تبادلنا الاب توبات انا وصديقتي ( اتول ) عطيتها جهازي واخذت جهازها كان لمجرد كم يوم وترجع الاجهزة ولكن لم ننتهى وجلسنا مايقارب اكثر من الاسبوع واحنا متبادلين ،، في البداية كان اخذ نسخ من ملفاتي شئ متعب لان اكثر الملفات انا بحاجة لها .
وصلت البيت وبديت ادخل النت من لاب توبها ومتوفر على سطح المكتب ( الاكسبلورر & الفايرفوكس ) حلو انا احب الفايرفوكس وما استخدم الا اهو 
، انصدم انه مايفتح يمين يسار مافتح عرفت ان التحميل للمتصفح خطأ [ مع ان صديقتي قالت لي انها تستخدمة بس مارضى يفتح ] ..
جلست 5 ايام استخدم الاكسبلورر [ كرهت نفسي ] وبالعربي [ زهقت وطفشت ] حسيت ان عالم الانترنت شئ [ يجيب الهم ] ولا بعد [ يقصر العمر ] ،، الصفحات لين ماتفتح بطيئ جداً وكثير من الشغلات بالفايرفوكس كانت اسهل وتوفر الكثير من الوقت بس الاكسبلورر [ ياخذ كل الوقت وزيادة ويطلع الشيب ] …
ومشكلة كبيرة [ تكون متعود على شئ وتفقدة ] …
- اكثر ماتعبني هو نشر رابط في الفيس بوك او حفظة في الدلشيز والتنقل للفرند فيد ، واجهت الكثير من الصعوبات حتى اخر شئ اطفئ الجهاز واجلست من ( غير انترنت ) ارحم لي من هالتعذيب واستخدم الانترنت بالاسلوب القديم المتعب مع المتصفح [ الاكسبلورر الممل ]
- فجاءة وانا اتصفح احصل الاكسبلورر يفتح عدد من الصفحات كبيرة ولحالة بطريقة احاول اوقفها بدون اي فايدة ويجلس يفتح يفتح يفتح 
وبالاخير اسكر الجهاز او اعيد التشغيل على شان تتوقف هالمشكلة لان مافي اي حل ثاني ودورت حل ماحصلت … [ هذي المشكلة ذكرتني بايام الدايل اب وكنت استخدم لاب توب ضايع قبل 6 سنوات تقريبا]
- ومن الاشياء الصعبة اللى من جد كان ودي اصيح بسببها ( فتحت مجموعه من المواقع وجاني النوم قلت بترك الصفحات مفتوحة وبسكر الجهاز ولما ارجع احصل الصفحات ، تذكرت ان هذا اكسبلورر وليس فايرفوكس من عاشر المستحيلات انك تترك الصفحات مفتوحة وترجع تحصلهم يعني لازم تترك الجهاز مفتوح ، وكان الحل اغلاق والذهاب للنوم )
اما في الفايرفوكس افتح مليون صفحة واسكر الاب توب وارجع له اليوم الثاني واحصل كل الصفحات كما تركتبها تنفتح لي وحده ورى الثانية واكمل قراءة او متابعه او عمل ما اريد عمله ( فالوضع مع الفايرفوكس جداً اسهل ومريح وجميل )
- اتعبني بشكل كبير ان المواقع تغير شكلها بالاكسبلورر وشكلها كان مرتب جداً بالفايرفوكس [ اصعب شئ لوحة التحكم حق مدونتي الايقونات صايرين مستطيل على انهم بيضاوي في الفايرفوكس والارقام ماتطلع هبل فيني من جد الاكسبلورر ] ..
الكثير من الناس والى اليوم مايحبون الفايرفوكس والسبب عدم استخدامهم للاضافات واستخدم التقنيات الجديده ليسهل عليهم التصفح بالانترنت والمتعة بشكل اكبر ..
- كل اضافات الفايرفوكس تهمني خصوصا اللى توفر على الكثير من الوقت واهم اضافة هي ( Shareaholic ) هالاضافة من مميزاتها ان الصفحة اللى اقراها وابي اصدقائي اللى بالفيس بوك يشاركوني فيها معاي فقط على اضغط على الايقونة موجودة في اعلى الصفحة ويتم نشرها في الفيس بوك او التويتر او البلارك او اي موقع احب 
بطريقة سهلة وسريعه وممتعه ايضاً ..
:
ولا تهون باقي الاضافات ( بعض من الاضافات اللى تهمني ) ..
ومن قبل كم يوم وحصلت اضافة رائعه بالفايرفوكس لمستخدمين الفلكر ، اضافة جميلة للرد على الموجودين بالصفحة ( هنا الاضافة )اشكر صاحب مدونة انشودة المطر على الاضافة ..
الوقت اللى ياخذ مني ساعات في المتصفح الاكسبلورر لنقل رابط من موقع لين الثاني بالفايرفوكس ماياخذ معاي ولا ثانية ، وكل التقنيات والاشياء الحلوة احصلها فيه .. 
تلومني لما احب الفايرفوكس ..
وكلنا بنحبك 
يا فايرفوكس 
على 
على 
على 
أحبك ليه انا مدري
ليه أهواك انا مدري ! لو مرت علي ذكراك يفز النبض في صدري … >> باب ما جاء في نثر الغبار 
<< ترا مو لك لفايرفوكس
وبعدين مع اسمايلاتك :@
قال تنسحب قال
=
صلحيها والا ما اجي << كأنك مصدقه نفسك شوي ..هع
————-
مضيعه بيتهم :
والله اسحبهم وينزلون والله ، اسمعيني لما تسحبينهم يطلعون لك الصورة في الصندوق ؟؟
اذا اي يطلع المفروض يطلع بالرد . شوفي في كثير ردود يطلع عندهم السمايلات
خلاص بشوف لكم حل مبدئي ويصير خير يا عمتي :d
من جد الاكسبلورر ألييييم ..
في الجامعة أضطر أحيانا أدخل النت في وقت الفراغ .. أحس نفسي في عالم آخر ..
صادقة الإكسبلورر جداً غبي و يعلق كثير غير عن الفايرفوكس و لما يتسكر
بغلطة و الا شيء ما تضيع الصفحات
الاكسبلورر معاناة من جد
الفايرفوكس يكفي سرعته ما شاء الله
شعارنا :
يؤ !
ليش ما تطلع السمايلات في التعليق !
مع إني سحبتهم لمربع التعليق
ايييييه والله صادقه ، احلى شي فايرفوكس الحمد الله ان اخوي ذا توب علمني عليه ،
مرات اشتغل لخالاتي ولا احد احس ان شوي و اتهاوش مع المتصفح :s ،
هو بطيء وبس ><! ، يرفع الضغط الله يهديه ،
هي فقط تذكر الماضي :p ، تذكري اول شلون صبر معك و صبرتي معه :p !
موفقه مضيعه :$ ،
معليه ممكن رابط تحميل اضافه الي تبع فلكر ؟
او بالاصح شرح لها
———–
مضيعه بيتهم :
اكيد ممكن ..
تفضلي
هنا الشرح /
http://www.flickr.com/photos/rainsong/3699162788/
والله يلوم اللي يلومك بحب الفاير فوكس آسر القلوب اقصد الأجهزة
لا والله ما الومك ابدا كما لا الوم نفسي
خطير هالثعلب
بس تصلحين في تسويق البرامج ،،،خخخخخخخخخخخخخخخخخخخخخ امزح
أول شي
أنا ما أبدل جهازي مع أحد لو طار
لأني أعرف نفسي موسوس وأي مشكلة راح تصير في الجهاز راح أرميها على هذا الشخص
أما بخصوص الإكسبلورر
نفسي أشيله من الجهاز تماما
لا خيره ولا كفاية شره
الله ييسر وأقلب على الماك وانسى مايكروسوفت بكاملها
وشكرا على الإضافات
———-
مضيعه بيتهم :
انا مستحيل بس كان على شان نشتغل على مشروع التخرج واحد البرامجة ارفضت تنزل على جهازها والمحلات ماينزلونة لان خبرك ندرس اصدارات قديمة الله يرحمنا برحمته بس ..
مرحبا مضيعة ..
أشوفك كثير تمدحينه .. يقربلك .. أثاريه مشهور ..
عموما أنا راح أجربه ..مع أني جربته من قبل بس ما حبيته ..
بس هالمرة لازم يمكن يضبط معي الجهاز .. ويصير النت أسرع ..
دمتي بخير
———–
مضيعه بيتهم :
مو كل الناس تستخدم التقنيات وهذي المشكلة ، لما تحملين الفايرفوكس جديد مافية اضافات لهذا السبب تواجهون كثير من المشاكل
في شغلات لازم تحملونها ..
وبعد كذا بتشوفينة احلى من العسل ..
وفي كثير مدونين ومواقع يكتبون لك عن الاضافات + في موقع الفايرفوكس ادخلي وشوفي الاضافات وحملي اللى تحسين تحتاجين لها واستخدميها..
لو بكتب من اليوم لين بكرة عن الاضافات ما بخلص ولا اقدر احصرها لكم ابداً ..
موفقة يارب
مشكلته يطول مايفتح اول مره..و انا عندي يطول مره..
اول شي افتح الفايرفوكس واروح افتح اكسبلورر لحد مايفتح الفايرفوكس..ويمكن اتصفح موقعين والفايرفوكس لسه مافتح
<<بجرب السمايلات اللي تنسحب
:33:
haret
;)
:zz:
:f:
>> شفتوا ان السمايلات تشتغل
هلا مضيعة,
طيب الي يحب الاثنين haret وما يقدر يستغني عن واحد منهم
ايش يسوي؟
تحياتي لك
كهرمان
كلنا معاك
فعلا رائع ..بس اضافاته كثيرررررره
ورسائله مهذبه
تصدقون ..يوم قفلته ويوم فتحته من اليوم الثاني
ما وجد الصفحات السابقه لسبب ما
فرسالته قال انا اسف انا في موقف محرج
والله راقي
نمبر أولا ..مبروك التخرج<< الناس توظفت وهي توها تبارك
نمبر ثانيا..مبروك النيو لوك للمدونة<< بدري
نمبر ثالثا..بصراحة سمايلاتك حركات أول كنت أسوي كليك وماتشتغل عاد يوم دريت بالسحب قلت خليني أعوضوأطلع حرتيوياويلهم إذا ماطلعوا
نمبر رابعا..بالنسبة للفايرفوكس حليو وصارلي فترة معه بعد ماطلقت الإكسبلوربس أرجع له بعض الأحايينلأن في شغلات ماتفتح معي في الفايرفوكس
نمبر خامسا..خلاص مسختها ماصار تعليق صار مقال
كل التوفيق لكـ
بصراحة سمايلاتك يرفعون الضغط …ليييييييه مايطلعون عندي..
بالرغم وأنا أسحبهم لصندوق الرد أحصلهم موجودين..خلاص بطلنا نحط سمايلات
أهلا أختي مضيعة
…
بارك الله فيك على استعراض هذه الإضافات المفيدة والخصة بالفايرفوكس في هذه التدوينة الطيبة. ولدي رأي بخصوص الانترنت والمتصفحات والبرامج وحتى أنظمة التشغيل وتفضيلات الناس بينها .. الرأي أن معظم الأسماء الكبيرة كالفايرفوكس والاكسبلورر والوندوز والماك واللينكس فيها الكثير من الميزات والكثير من العيوب أيضاً, وبالتالي لا أجدني كثيراً أفضل شيء ما بنسبة ١٠٠ ٪ على شيء آخر, الحياة فيها سعة
الفايرفوكس يعطيك متعة في التصفح ومشاركة التجارب على الانترنت بشكل رااااائع, لكنه يعاني عندما نتصفح بعض المواقع -الخلل ربما في الموقع- مثلاً: بعض مواقع البنوك, بعض مواقع الشركات, يسبب فيها الفايرفوكس أزمة ونضطر إلى استخدام الاكسبلورر أو أوبرا.
ولعلي أستطرد فأقول, من ناحية أنظمة التشغيل: الفيستا كانت تجربة متعبة كثيراً خصوصاً لمستخدمي الاكس بي, هذا الأمر جعل العديد ينتقل إلى تجارب جديدة مثل اللينكس وماك -أنا منهم- لكنني في الوقت نفسه متفااااءل ومتحمس لموعد صدور وندوز سفن في اكتوبر المقبل.
على أية حال أسعدني أن استفدتي من الاضافة الخاصة بفلكر, وأجدد هنا بأنني مستعد للمساعدة بخصوصها إذا رغبتم
إلى اللقاء
أخوكم / علي
مره شكرًا مضيعه !
طبقته ^^ ،
تشكريآ مره ثانيه =$ ..
[...] خلال تجاربي في الحياة وبعد مابدلت لاب توبي مع صديقتي ، كان هناك كثير من المشاكل اواجها واحاول اني امشي [...]
اذا الفايرفوكس ما اشتغل في اخوه الكروم